Know About Diseases May 28, 2019

குழந்தைகளுக்கு ஆரம்பத்திலேயே டெங்கு காய்ச்சலைக் கண்டறியும் சுலபமான வழிகள்.

கடந்த சில ஆண்டுகளாக,  கொசுக்கடியால் பரவும் நோய்கள் கணிசமான அளவு அதிகரித்துவிட்டது. பல லட்சக்கணக்கானவர்கள் இதனால் பாதிக்கப்படுள்ளனர். டெங்கு, மலேரியா மற்றும் ஜிகா வைரஸ் தொற்றினால் பலர் உயரிழந்துள்ளனர்.  இதில் மிகப் பொதுவான ஒன்று டெங்கு ஏற்கனவே பல உயிர்களை பலி வாங்கிவிட்டது.   டெங்குவிற்கு  முதலில் அறிகுறி எதுவும் தெரியாது, அதிலும் குறிப்பாக குழந்தைகளிடையே.  நான்கு நாட்களுக்குப் பிறகு நோயைக் கண்டறியும் தருணத்தில்,  குழந்தை எவ்வளவு இளசாக இருக்கிறதோ அறிகுறிகள் அவ்வளவு தீவிரமாக இருக்கும்.

இதோ குழந்தைகளிடையே டெங்கு அறிகுறிகள் பட்டியல். இதை நீஙக்ள் கவனிக்க வேண்டும்:

ஃப்ளூ போன்ற நோய்: உங்கள் குழந்தைக்கு அதிக காய்ச்சல், மூக்கு ஒழுகல் மற்றும் இருமல் இருந்தால் இவை டெங்கு அறிகுறிகளில் ஒன்றாக இருக்கலாம்.  இந்த அறிகுறிகள் வழக்கமான ஃப்ளூவின் அறிகுறிகள் போல இருந்தாலும்,  காய்ச்சல் கண்ட 24 மணி நேரத்திற்குள் உங்கள் குழந்தை நல மருத்துவரைக் காண வேண்டும்.  மேலும் டெங்கு இருக்கிறதா இல்லையா என்பதைக் கண்டறியும் பரிசோதனையையும் செய்ய வேண்டும்.

நடத்தையில் மாற்றம்: பெரியவர்களுடன் ஒப்பிடுகையில், தமக்கு என்ன நடக்கிறது என்று குழந்தைகளுக்குத் தெரியாது.  இதனால் அவர்களுக்கு எரிச்சலும், குழப்பமும்  ஏற்படும்.  ஏனென்றால் அவர்களுக்கு அதற்கான காரணம் தெரியாது.  அவர்கள் பிடிவாதம் பிடிபார்கள். பெரும்பாலும் பசியின்மை ஏற்படும்.

உடல் பாதிப்பு: டெங்குவால் பாதிக்கப்படும் குழந்தைகளுக்கு தீவிர மூட்டு வலி, முதுகு வலி மற்றும் தலைவலி போன்றவை ஏற்படும். உங்கள் குழந்தைகளிடம் பெசி அவர்களுக்கு என்ன வேதனை என்பதை புரிந்து கொண்டு மருத்துவரிடம் சொல்லவும்.

குடல் பிரச்சினைகள்: அவர்களுக்கு குமட்டல், வாந்தி போன்றவை ஏற்படும். இதை கேஸ்ட்ரோயென்ட்ரைடிஸ் என்று தவறாக கருத நேரிடலாம்.  அவர்களுக்கு அடிவயிற்றிலும் வலி ஏற்படக்கூடும்.

சருமப் பிரச்சினைகள்: குழந்தைகளுக்கு ஏற்படக்கூடிய மிகப் பொதுவான பிரச்சினைகளில் ஒன்று சருமத்தில் ரேஷ்கள் தோன்றுதல், இது தட்டம்மை போல திட்டுக்களாக காணப்படும். மற்றுமொரு அறிகுறி தொடர்ந்து அரிப்பு.

ரத்தக் கசிவு: பிளேட்லெட் எண்ணிக்கை குறைவதால், குழந்தைகளுக்கு ஈறுகள் மற்றும் மூக்கில் இரத்தக் கசிவு ஏற்படும். இதற்கு உடனடி சிகிச்சை மேற்கொள்ள வேண்டும்.  மிக அரிதான நிலைகளில் இது உயிருக்கு ஆபத்தாக இருக்கும், அதாவது ஹேமரேஜிக் காய்ச்சல் அல்லௌ ஷாக் சின்ட்ரோம் போன்றவை ஏற்படும்.

உங்கள் குழந்தைக்கு இவ்வாறான அறிகுறிகள் தென்பட்தால் நீங்கள் மேற்கொள்ள வேண்டிய நடவடிக்கைகள்:

• உங்கள் குழந்தை நல மருத்துவரை உடனே காண வேண்டும். அவர் இவற்றை குணமாக்க நீங்கள் செய்ய வேண்டியவைகளைக் கூறுவார்.
• உங்கள் குழந்தை சோர்வடையாமல் பார்த்துக் கொள்ளவும். அவர்களுக்கு குறைந்தபட்சம்15 முதல் 30 நாட்கள் வரை படுக்கையில் ஓய்வு தேவைப்படலாம். இது அவர்களுக்கு ஏற்பட்ட அறிகுறியின் தீவிரத் தன்மையைப் பொறுத்துள்ளது.
• அவர்களுக்கு லேசான உணவுகளைக் கொடுக்க வேண்டும். சூப்புகள், பழங்கள், வேக வைத்த காய்கறிகள் போன்றவை.
• உங்கள் குழந்தை தாய்ப்பால் குடித்தால், எப்போதும் தாய்ப்பால் கொடுப்பதை தவறவிடக்கூடாது. கொஞ்சம் பெரிய குழந்தையாக இருந்தால் அவர்களுக்கு உடலில் நீர்ச்சத்து அதிகம் வேண்டும்.  அவர்களுக்கு வாய்வழியாக கொடுக்கக்கூடிய எலெக்ட்ரோலைட் போன்றவற்றைக் கொடுக்க வேண்டும்.
• குளிர்ந்த தண்ணீரில் நனைத்த துணியை அல்லது குளிர்ந்த தண்ணீரில் நனைத்த ஸ்பாஞ்சை அவர்கள் மீது வைப்பதன் மூலம் உடல் வெப்பத்தைக் குறைக்க முடியும்.

உங்கள் குழந்தை டெங்குவினால் பாதிக்கப்படாமல் தவிர்க்க, பின் வரும் முன்னெச்சரிக்கைகளை நீங்கள் கையாளலாம்:

• உங்கள் குழந்தை இருக்கும் இடத்தை சுற்றி தண்ணீர் தேங்காமல் பார்த்துக் கொள்லவும்.  உங்கள் வீட்டை சுற்றி மட்டுமல்ல, உங்கள் பகுதியிலேயே தண்ணீர் தேங்காமல் பார்த்துக் கொள்ளவும்.  இதற்காக உங்கள் அக்கம்பக்கத்திலிருப்பவர்களுடன் சேர்ந்து செயல்படவும்.  இது அனைவருக்கும் உதவும்.
• புகையிடுதல்: உங்கள் குழந்தை பக்கத்தில் இல்லத போது, பெஸ்ட் கன்ட்ரோல் பணியாளர்களுடன் சேர்ந்து உங்கள் பகுதிஉயில் புகையிடவும்.
• முடிந்த வரையில் உங்கள் குழந்தையின் உடல் முழுவதையும் மூடும் உடையை அணிவிக்கவும்.
• கொசு விரட்டிகளைப் பயன்படுத்தவும். குட்நைட்டில் பால்விதமான கொசுக் கொல்லிகள் உள்ளன. இவை கடைகளில் சுலபமாகக் கிடைக்கின்றன.
• குடும்பத்தில் ஒவ்வொருவரும் அடிப்படை சுகாதாரத்தை கடைப்பிடிக்க வேண்டும்.  தினமும் குறைந்தபட்சம் இரண்டு முறை குளிக்க வேண்டும்.  வியர்வையும் கொசுக்களை ஈர்க்கும்.

இந்தியாவில் பெரும்பாலான பகுதிகளில் வெப்பமான வானிலை நிலவுகிறது. எனவே பெரும்பாலும் டெங்கு பரவுகிறது.  உங்கள் குழைந்தைக்க்கு டெங்கு காய்ச்சல் அறிகுறிகள் தென்பட்டால், இந்த கட்டுறையில் சொல்லப்பட்ட நடைமுறைகளை மேற்கொள்ளுங்கள். மேலும், முன்னெச்சரிக்கை நடவடிக்கைகளை மேற்கொள்ள வேண்டும்.  இதன் மூலம் நோய்த் தொற்று ஏற்படாமல் தவிர்க்க முடியும். என்ன நீங்களும் அப்படிதானே நினைக்கிறீர்கள்?